Strict Standards: Declaration of CGalleryDashboard::getTitle() should be compatible with CDashboard::getTitle($id, $language_id) in /home/khachat/public_html/modules/gallery/include/CGalleryDashboard.inc.php on line 475

Strict Standards: Declaration of CStaticDashboard::getTitle() should be compatible with CDashboard::getTitle($id, $language_id) in /home/khachat/public_html/modules/static/include/CStaticDashboard.inc.php on line 693
Khachaturyan Trio | Official Website
Home  >  Կենսագրություններ

Արմինե Գրիգորյան , դաշնամուր
Armine Grigoryan  

   Արմինե Գրիգորյանը ժամանակակից դաշնամուրային հայ արվեստի ամենավառ ներկայացուցիչներից է: Մասնագիտական երաժշտական կրթությունը ստացել է Երևանի Չայկովսկու անվան երաժշտական դպրոցում, այնուհետև ավարտել է Երևանի Կոմիտասի անվան պետական կոնսերվատորիան, ասպիրանտուրան՝ պրոֆեսորներ Գեորգի և Սերգեյ Սարաջյանների ղեկավարությամբ

   Համերգային շրջագայություններով, որպես մենակատար, հանդես է եկել Ռուսաստանում, Իտալիայում, Գերմանիայում, Ավստրիայում, Չեխիայում, Իսպանիայում, Բելգիայում, Մեծ Բրիտանիայում, Բուլղարիայում, Մերձբալթյան երկրներում, Արաբական Միացյալ Էմիրություններում (ԱՄԷ), Լիբանանում, Չինաստանում, Ճապոնիայում, Ավստրալիայում, ԱՄՆում, Կանադայում և այլն:    

   «Հռոմ 2003» դաշնակահարների միջազգային մրցույթի ժամանակ արժանացել է կրկնակի դափնեկրի կոչման և շքանշանի` Հռոմի դեպուտատների պալատի կողմից: Միջազգային տարբեր փառատոնների մասնակից է: Նույն թվականին Արմինե Գրիգորյանը Սոնա Բարսեղյանի հետ (դաշնամուրային դուետ «Սոնետ») արժանացել է Հռոմի «Ֆրեդերիկ Շոպեն» ասոցիացիայի կողմից կազմակերպված Միջազգային մրցույթի մրցանակին, նաեւ Սերջիո Կալիգարիսի ստեղծագործությունների լավագույն կատարման հատուկ մրցանակին:

  Թողարկել է մի քանի ձայնասկավառակներ՝ այդ թվում «Արամ Խաչատրյան. անհայտ էջեր» սկավառակը:

  2005թ. – ից հանդես է գալիս որպես Արամ Խաչատրյան Տրիոյի (ջութակահար Կարեն Շահգալդյանի և թավջութակահար Կարեն Քոչարյանի հետ) դաշնակահար: Տրիոն  համերգներով հանդես է եկել համաշխարհային տարբեր հեղինակավոր համերգասրահների բեմահարթակներում, այդ թվում՝ Վիեննայի (Musikverein), Համբուրգի (Laiezhalle), Լայպցիգի (Gewandhaus),  Մյունխենի (Gasteig - Philharmonie)  Լոնդոնի (Quen Elizabeth Hall), Տոկիոյի (Suntory Hall), Տորոնտոյի (Koerner Hall) և այլն:   

Արմինե Գրիգորյանը Երևանի պետական կոնսերվատորիայի պրոֆեսոր է և 2004 թ. –ից ղեկավարում է Արամ Խաչատրյանի տուն - թանգարանը:

 

 

 

Կարեն Շահգալդյան,  ջութակ
Karen Shahgaldyan

 Ավարտել է Մոսկվայի կոնսերվատորիան /պրոֆեսոր Վիկտոր Տրետյակովի դասարան/ և ասպիրանտուրան` պրոֆեսոր Մայա Գլեզարովայի ղեկավարությամբ: Մասնակցել է Յ.Մենուհինի, Վ.Սպիվակովի, Գ.Ժիսլինի վարպետության դասերն: 1998-2002 թթ-ին Կարենը հանդես է եկել Վլադիմիր Սպիվակովի ղեկավարած “Մոսկվայի Վիրտուոզներ” անվանի նվագախմբի կազմում: 2003-2004 և 2004-2005 համերգաշրջաններում որպես մենակատար հանդես է եկել տարբեր նվագախմբերի հետ` նվագելով Ստրադիվարիուսի ջութակի վրա, որ տրամադրել էր նրան Ռուսաստանի Դաշնության մշակույթի նախարարությունը: Կարեն Շահգալդյանը Պաբլո Սարասատեի անվան միջազգային մրցույթի /Իսպանիա/ դափնեկիր է: Նա Դավիդ Օյստրախ, Յուրի Յանկելեվիչ Հիմնադրամների, ինչպես նաև Մստիսլավ Ռոստրոպօվիչ Միջազգային հիմնադրամի թոշակառու էր:
Կարենը հյուրախաղերով հանդես է եկել Միացյալ Նահանգներում, Շվեդիայում, Հարավային Կորեայում, Հայաստանում և Ռուսաստանում:

www.shakh-music.com

 

 

 

 

Կարեն Քոչարյան,  թավջութակ

Karen Kocharyan

Ավարտել է Երևանի Չայկովսկու անվ. երաժշտական դպրոցը /պրոֆեսոր Ալ.Չաուշյանի դասարան/ և Երևանի Կոմիտասի անվան կոնսերվատորիան /պրոֆեսոր Գ.Թալալյանի դասարան/: Կարեն Քոչարյանը “Armenian Chamber Players” կամերային նվագախմբի հիմնադիր անդամներից է և առաջին մենակատար թավջութակահարն է, Հայաստանի Պետական Ֆիլհարմոնիկ նվագախմբի երկրորդ կոնցերտմայստերը և Խաչատրյանի անվան եռյակի հիմնադիրներից մեկը: Նա շրջագայել է Եվրոպայում “Armenian Chamber Players” կամերային նվագախմբի և Հայաստանի Պետական Ֆիլհարմոնիկ նվագախմբի հետ, հանդես գալով նաև որպես մենակատար: 2005 թ-ին Կարեն Քոչարյանը Ալեկսանդր Իվաշկինի /Մեծ Բրիտանիա/ և Հայաստանի Պետական Ֆիլհարմոնիկ նվագախմբի, 2006 թ-ին Էդուարդ Թոփչյանի և Փասադենայի սիմֆոնիկ նվագախմբի հետ հանդես է եկել որպես մենակատար:

3 Zarubyan str., Yerevan
Armenia 0009
tel.: + 7 916 687 43 42
+ 374 91 78 75 61
info@khachaturiantrio.com